Philipp II. (Makedonien)

Philipp II. (Makedonien)
Basileus vo Makedonie
Regierigsziit	359–336 v. d. Z.
Griechisch	Φίλιππος
Uf d Wält cho	382 BC v. d. Z.
Geburtsort	Pella, Makedonie
Gstorbe	Oktober 336 v. d. Z.
Dodesort	Aigai, Makedonie
Begrabe	Aigai, Makedonie
Vorgänger	Perdikkas III.
Nochfolger	Alexander dr Grooss

Dr Philipp II. (altgriech. Φίλιππος Β', Phílippos II.; * um 382 v. d. Z.; † 336 v. d. Z. z Aigai) isch vo 359 bis 336 v. d. Z. Köönig vo Makedonie gsi. Er isch dr Vater vom Alexander em Groosse.

Dr Philipp het die makedonischi Armee reformiert, die aadlige Familie hinder sich brocht und het denn wääred Joorzäänt gege d Illyrer, d Thraker und die griechische Poleis Chrieg gmacht. Schliesslig isch Makedonie zur Vormacht in Griecheland worde. Im Joor 338 het er d Athener und d Thebaner in dr Schlacht vo Chaironeia gschlaage und denn dr Korinthisch Bund gründet, wo alli Poleis usser Sparta Mitgliid von em gsi si. Dr Philipp het sich zum Hegemon vom Bund lo weele. Er het Blään ghaa zum s Perserriich aazgriffe, isch aber ermordet worde, bevor er sä het chönne umsetze.

D Läistige vo dr makedonische Armee under sim Soon und Noochfolger Alexander si im Wääsentlige e Folg vo dr Milidäärreform vom Philipp II. gsi.